الكنافة النابلسية الاصلية فاطمه ابو حاتي : الكنافة النابلسية من اشهر انواع الكنافة المنتشرة فى الشام وفى فلسطين هنقدم النهارده طريقة تحضيرها للشيف فاطمة ابو حاتي تابعي خطوة بخطوة .
مقادير الشربات ( السيرب )
المقادير والمكونات اللازمة لعمل الكنافة النابلسية : :
- نصف كيلو كنافة
- ربع كوب جينة عكاوي
- ربع كيلو مونزاريلا
- ربع كوب سكر بودرة
- ربع ملعقة صغيرة بودرة زعفران
- كوب سمنة بلدي
الخطوات وطريقة تحضير الكنافة النابلسي فى المنزل للشيف فاطمة ابو حاتي
- فى البداية هننقع الجبنة العكاوي فى الميا حوالي 8 ساعات عشان نصفي الملح اللي فيها وممكن تغيري المياة كل ساعتين حتي نشيل كل الملوحلة اللي فيها وطبعا دي خطوة مهمة
- هنجيب الكنافة وابدأ افرك الكنافة بعد ما اخرجها من الثلاجة على طول عشان تتفرك بسهولة وتكون ناعمة جدا
- هنجيب بولة وننزل علي الكنافة كمية من السمنة واشرب الكنافة بيها كلها وانزل السكر البودر واللون الزعفران واقلبهم مع بعض كويس جدا لحد ما المكونات تتداخل مع الكنافة
- هنجيب صنية مقاس 28 انزلها شوية من السمنة ادهن بيها الصنية عشان تعمل فاصل معانا وبعدين انزلها نص الكمية وافردها كويس واضغطها وكمان اعملها حافة عشان اقدرانزل بمكوناتنا التانية و متخرجش من الجوانب ونحافظ عالشكل برده ومتلزقش فى التسوية
- هنبدا ننزل بالجبن بتاعتنا وطبعا تكون متقطعه الجبن شرائح ووزعيها في الارضية والموتزاريلا فوقها وننزل بعد كدة بـ باقي الكنافة اللي معانا واضغطيها وساوي الحواف والجوانب واحاول ادخلها لجوة وعلي الوش اوزع باقي السمنة المتبقية علي الوش وادخلها علي ارضية فرن سخن علي 180 لحد ما تاخد لون من الاطراف اطلعها الرف الاوسط واولع الشواية علي الهادي لغاية متاخد لون من فوق
- بعد ما نخرجها نسكب عليها الشربات او السريب من فوق وبعدين نقلبها ونزود عليها باقي الشربات من الجهة الاخري وهتلاقي الكنافة بتشرب الشربات ونتظر لحد ما تبرد ونقطعها وقدميها .
- كوب ما ء
- كوب سكر
- عصير نصف ليمونة
- بيتحط فى حلة علي النار السكر وكوب الماء لحد الغليان ننزل بعد كدة بعصير الليمون ونسيبه تغلي شوية ونشيله من على النار ونتظر حتي يبرد وبعد ذلك يمكنك استخدامه .
تعليقات
إرسال تعليق