القائمة الرئيسية

الصفحات

المخلل المشكل فاطمه ابو حاتى : المخلل طبعا غنى عن التعريف ويعتبر من اساسيات السفرة والوجبات المختلفة وعشاق المخلل بالملايين هنقدر النهارده نعمل المخلل المشكل بشكل سريع تقدري تسخدميها بعد 3 ايام بس ويهطلع مستوي وجاهز للاستخدام بطعم لذيذ ومميز وان شاء الله طريقة سهلة جدا وبمكونات بسيطة ومتوفرة والنتيجة هتطلع ممتازة باذن الله من موقع وصفات ونبدأ على بركة الله .

المقادير والمكونات اللازمة لعمل المخلل المشكل فى البيت

  • ارنبيت
  • جزر
  • فلفل احمر سليم
  • خيار
  • فلفل اخضر
  • فلفل احمر طرنشات
  • لفت
  • خل
  • كسبرة ناشفة
  • كمون
شاهد ايضا : طريقة عمل مخلل الفلفل والجزر

الخطوات وطريقة التحضير لعمل المخلل المشكل فى المنزل للشيف فاطمة ابو حاتى

  1. فى البداية لازم ننقع الارنبيت المتقطع فى مياة مغلية لمدة 10 دقائق على الاقل ونغطي عليه عشان نحفظ الحرارة
  2. هنجيب بولة ونضيف فيها الخيار والفلفل الاخضير والاحمر وننزل بالجزر اذا متوفر لفت ونقلب جيدا
  3. ونبدأ نعمل الدقة الحمراءء اللي بتكون على المخلل اللي بتعطي لون وطعم رائع هنجيب حوالي 4 فصوص ثوم وفلفل احمر ونقطعه ونضيفه فى المطحنه ونعمله هريسة كويسة
  4. بعد ما الارنبيت انقع 10 دقائق نضيفه فى البولة نع باقي الخضروات ونقلب كويس
  5. هنبدأ نجيب برطمان ونضيف فيه الخضار ونجيب بولة ونبدأ نضيف فيها لتر مياة مغلية ولازم تكون مغلية ونضيف علي كل لتر مياة 5 ملاعق كبار من الملح مع معلقتين كبار من الدقة والخليط اللي هو الفلفل احمر من الثوم ونضيف بعد كدة نصف كوب من الخل ونقلب كويس وتضيف معلقة من الكسبرة الناشفة ومعلقة من الكمون ونقلب كويس جدا
  6. هنبدأ نضيف المحلول الملحي واذا احتجتي محلول تاني تقدري تعملي تانى بنفس المقادير والكميات
  7. ممكن نضيف عليه حبة البركة وشوية كرفرس حسب الرغبة وبعد ما نغطي كل الخضار بالمحلول هنغطي الغطا ونسيب المخلل متغطي 3 ايام على الاقل وشوفي النتيجة هيطلع معاكي مستوي باذن الله وبالف هنا

ملاحظات هامة لنجاح عمل المخلل المشكل في البيت

  • لابد من نقع الارنبيت فى ماء مغلي 10 دقائق على الاقل حتي لا يعطي طعم لازع فى المخلل
  • لابد من الالتزام بمعيار المحلول المحلي واذا احتجي نفذي بنفس كمية الميعار المشار بالاعلي
  • لابد من اتمام غلق البرطمان وتركه وعدم فتحه لمدة 3 ايام كاملة

هل اعجبك الموضوع :

تعليقات

محتويات الوصفة