الكبيبة الاقتصادية للشيف فاطمة ابو حاتى : هنعمل النهارده الكبيبية الاقتصادية من غير لحمة كتير وهتكون تحفة ومقرمشة لذيذة وهشة وهنقدر نعمل عدد كبير من الكبيبية بنص كليوا لحمة مفرومة بس يعني لو عندك عزومة ولا حاجة هتفرد معاكي عدد كويس مقدمة من موقع وصفات .
المقادير والمكونات اللازمة لعمل الكبيبة فى المنزل
- 2 كوب برغل
- ا ونص كوب دقيق
- كيلو لحمة مفرومة
- بصله مفرومه ناعم
- نص كوب زيت
- ملح
- نعناع ناشف
- معلقة فلفل اسود
- معلقة بهارات سبعه
- 3 اكواب ماء مغلي
- مكسرات حسب الرغبة
الخطوات وطريقة تحضير الكبيبة الاقتصادية للشيف فاطمة ابو حاتى فى البيت
- فى البداية لازم اهم خطوة وهي طحن البرغل ف المطحنه ونطحنه كويس جدا حتي يعطي معاكي نتيجة كويسة
- بعد ما طحناه هنضيف 3 كوب ماي مغلي و يفضل يكون نفس كوب المعيار الي عايرتي بيه البرغل و نقلب جيدا ونغطيه ونتركه حوالي ساعه الا ربع
- فى هذه الاثناء نبدأ نحضر الحشوة ونجيب حلة على النار احط معلقة كبيرة من السمنه تسخن واحط البصل المفروم ليكون ذهبي ونضيف معلقة من البهارات ومعلقة صغيرة من الفلفل الاسود ونضيف اللحم المفروم واقلب تتعصج
- واضيف الملحَ بعد ما ياخد لون السوا
- وممكن نضيف مسكرات على حسب الرغبة ولكن لازم نحطه فى سمنة ونحمره شوية واحمر مكسرات ف سمن وبعدين اضيفها ع اللحم المعصج واحط بقدونس مقطع واقلب
- بعد مالبرغل برد احط الدقيق والنعناع الناشف المطحون ونضيف فلفل اسودو بهارات سبعه والبصله المطحونه المتوسطة ومعلقة كبيرة من الملح وشويه زيت واعجن كووويس جدا
- بعد العجن الجيد هنبدأ نشكل هنبدأ نبل ايدينا بشوية زيت واخذ جزء من العجينه واعمل زي قرطاس واحط اللحم واقفلها وننعمها مع الاطراف بايدك عشان تاخد شكل الكبيبة المعروف
- بعد ما نخلص الكمية المطلوبة لابد من وضعها فى الثلاجه على الاقل نصف ساعه حتى تتماسك
- ونبدأ فى مرحلة القلي بعد ما ريحنا الكبية فى التلاجة نص ساعة هنبدأ القلي ف زيت سخن ع نار متوسطه ونطلعها فى طبق على مناديل المطبخ حتى تمتص الزيت منها وبالف هنا وعافية .
هذه الوصفه مقدمة من الشيف فاطمه ابو حاتي ونقدمها لكم عبر تطبيق وموقع وصفات بشرح مبسط وسهل وهتقدرى تعملى الكبيبة فى البيت بكل سهولة وتابعونا فى وصفات اخرى على موقعكم المحبب وصفات .
تعليقات
إرسال تعليق