القائمة الرئيسية

الصفحات

سليق اللحم : موضوعنا النهارده بسيط ومن ابسط طرق الطبخ المعروفة لعمل اللحمة وتعتبر الاكلة الاشهر فى البيوت العربية وخاصة المصرية لحبهم للشوربة كما نعرف وسنستعرض اليوم طريقة تحضير وسلق اللحمة بابسط الطرق مع اطعم شوربة وهتشرفك فى المناسبات والعزومات المختلفة وهتلاقي شروبة ولا اروع بمكونات ومقادير بسيطة ومتوفرة واقتصادية وهيكون شرحنا النهارده عن طريقة من طرق كتير متبعه ولكن سنختار طريقة ستعجبكم باذن الله ونبدأ علي بركة الله طريقو سلق اللحمة بابسط طريقة ونبدا .

المكونات واالمقادير اللازمة لسليق اللحمة

  • كيلو لحمة
  • عدد ٢ بصلة صغيرة
  • ٤ ورق لورا
  • ٤ فصوص حبهان
  • ٣ كبيبة صينى
  • فلفل أسود حصى (صحيح)
  • مكعب زبدة
  • ملعقة صغيرة سكر
شاهد ايضا : طريقة عمل الكوارع للشيف علاء الشربيني

الخطوات وطريقة تحضير وتجهيز سليق اللحمة

  1. فى البداية هنغسل اللحمة كويس جدا وبعدين هبدأ نعمل صدمة للحمة وذلك عن طريق حلة على النار ونضيف فيها الزبدة واول ما الذبدة تسيح وتذوب ننزل باللحمة فيها وما نقلبش فيها ولكن نسيبها لحد ما ياخد الجنب الاول شكل ذهبي وبعدين اقلب اللحمة ونشوحها شوية ونضيف بعد كدة الفلفل الاسود وبعدين ننزل بنصف كمية البصل وهنقلب شوية وبلاش نشوحها كتير عشان متتلسعش منك وتاخد لون غامق
  2. اثناء ما نكون نعمل الخطوات السابقة هنكون مجهزين حلة على النار ونسخن فيها الميا اللي هننزلها بعد كدة على اللحمة يكون الشغل بالتوازي مع تشويح اللحمة عشان تكسبي وقت
  3. بعد ما نخلص تشويح اللحمة ننزل المياة الساخنة عليها مباشرة ونستناها شوية ولو ظهر اى ريم نشيله بالمعلقة ولا يجب وضع اى اضافات اخرى قبل ازالة الريم او اي شوائب يعني منزلش بالحبهان او اي مكونات الا لما نزيل الريم عشان تكون الشوربة نضيفه والبهارات يكون طعمها واضح
  4. ننزل بعد كدة بالاضافات اللي هيا حبهان مطحون او صحيح عادي ونضيف معلقة سكر بتخلي اللحمة تستوي اسرع وبعد كدة نضيف ورق لورا ونضيف باقي كمية البصل
  5. هنسيب اللحمة على النار تستوي نسيبها ربع ساعة نار عالية وبعد كدة نخيلها نار متوسطة وياريت نسيب غطا الحلة فى اول ربع ساعة وبعد ما نهدي النار نضيف معلقة ملح ونغلق الغطا ونسيبها شوية وبعد كدة نرفعها من على النار
  6. طبعا ممكن تضيفي اي اضافات انتي حباها سواء خضار او اي بهارات تحبيها لكن حبينا نوضح طريقة سهلة ومبسطة وباقل الامكانيات وبالف هنا وعافية
هل اعجبك الموضوع :

تعليقات

محتويات الوصفة