ورقة اللحمة للشيف فاطمه ابو حاتي : ورقة اللحمة من الاكلات اللذيذة جدا اللي ممكن تنجزك في يوم حبة تعملي اكلة سريعة ومشس عاوزة تقفي كتير في المطبخ سريعة ومكوناتها مغذية جدا ومكوناتها حسب زوقك وحسب المكونات المتواجدة في البيت ورقة اللحمة عبارة عن قطع او شرائح من اللحمة مع مكعبات الخضار وبعض التوابل وادخالها الفرن تنفع جدا للاصحاب الدايت لانها سريعة وبتتعمل في الفرن بدون وجود اي مواد دهنية تعمل علي تسويتها فهي تعتمد فقط علي احتباس البخار لتسوية كل من الخضروات وقطع اللحم خفيفة وصحية جدا لمرضي السكر هتعجبكم جدا فعلا تستاهل التجربة يلا بقا نعرف الطريقة واي هيا المكونات .
مقادير ومكونات ورقة اللحمة للشيف فاطمه ابو حاتي
- كيلو لحمة مكعبات
- كيلو خضار مشكل
- 2 بصل جوانح
- 2 طماطم مكعبات
- ملعقة كبيرة ثوم مفروم
- 2 عود روز ماري فريش
- ملعقة كبيرة صلصة
- ملعقة كبيرة عسل ابيض
- ملعقة كبيرة بهارات سبعة
- ملعقة صغيرة بابريكا
- رشة حبهان بودر
- 2 ورق لورا
- ملح
- فلفل اسود
طريقة عمل وتحضير ورقة اللحمة للشيف فاطمه ابو حاتي
- داخل بولة اقوم بوضع البصل والثوم والملح والفلفل وبهارات السبعة والبابريكا والحبهان وابتدي فرك بايدي كل المكونات كلها مع بعض واتركهم ربع ساعة .
- قومي بوضع الخضار المشكل وقومي بوضع العسل الابيض والصلصة وتقليبهم جدا وقومي بوضع الروز ماري واللورا قومي بتتبيل اللحمة ملح وفلفل ووضعها مع باقي المكونات وتقليبهم .
- قومي بوضع قطعة كبيرة من ورق الالومنيوم وورقة زبدة وقومي بفرد كل الخضار واللحمة وفردهم داخل الصنية واقوم بوضع قطعة اخري من ورق الزبدة وورقة من الالومنيوم وتقفيلها جيدا واحتباس كل جزء حتي لا يتشرب البخار .
- قومي بادخالها فرن ساخن جدا علي الارضية مده نصف ساعة ووضعها بعدها ع الشبكة وتهدئة النار تماما حتي تمل تسويتها وخروجها وتقديمها .
ملاحظات لنجاح ورقة اللحمة للشيف فاطمه ابو حاتي
- تقدري تستخدمي اي نوع من الخضار اللي تفضلية .
- استخدمي نوع من اللحمة الكندوز او البلتو حتي تحصلي علي سوا سريع مظبوط او استخدام نوعية كويسة من اللحمة .
- العسل الابيض بديفل للسكر يساعد علي سوا الحمة واعطاءها لون جيد.
- استخدمي هذه الوصفة للدايت خفيفة وصحية جدا .
تعليقات
إرسال تعليق