الاستريبس للشيف حسن : الاستريبس او اصابع الفراخ المقرمشة من كنتاكي وخلطتها السرية مبقتش خلاص سرية وهعرفهلكم لانها بسيطة جدا وحلوة الاولاد بيحبو الاكلات دي اوي وبيفرحو جدا لو عزمتيهم عليها هتقدر كل ام تعملها بسهولة لاولادها في البيت بطريقة ومكونات متواجدة في كل بيت خلاص مش هتحتاجي تاكليها من برة تاني طبعا حاجات البيت مضمونة اكتر وطعمها هيكون زيها واحسن كمان هتفرحيهم جدا وتحدي انك هتطلعيها احلا من المطعم يلا بقا نتعرف بسرعة علي وصفتنا .
مقادير ومكونات الاستريبس للشيف حسن
- كيلو صدور اصابع
- ملعقة كبيرة كاتشب
- رشة سكر
- ملعقة كبيرة بصل بودر
- ملعقة صغيرة ثوم بودر
- ملعقة صغيرة بابريكا
- ملعقة صغيرة سبع بهارات
- رشة حبهان بودر
- ملعقة صغيرة زعتر جاف
- ملح
- فلفل اسود
- الخلطة :
- كوب دقيق
- 4 ملعقة كبيرة نشا
- ملعقة صغيرة بيكينج بودر
- نصف كوب ماء
- ملعقة صغيرة بصل بودر
- ملعقة صغيرة ثوم بودر
- ملعقة صغيرة زعتر جاف
- ملعقة صغيرة بابريكا
- ملعقة صغيرة سبع بهارات
- ملح
- فلفل
- للتغطية :
- كوب دقيق
- نصف كوب نشا
طريقة عمل وتحضير الاستريبس للشيف حسن
- داخل بولة قومي بوضع الفراخ وقومي بوضع الكاتشب والملح والفلفل والثوم والبصل والبابريكا والزعتر والحبهان والسبع بهارات واقلب المكونات كلها مع بعض واغطيها واسبها تتبل ليلة كاملة او مش اقل من ساعتين .
- احضير الخلطة في بولة اضع الدقيق والنشا والبيكينج بودر والملح والفلفل والبابريكا والزعتر والبصل والثوم البودر والحبهان والسبع بهارات واقلب المكونات كلها مع بعض وابتدي انزل بالماء مع التقليب حتي يصبح خليط سائل مثل البان كيك واقوم بوضع صدور الدجاج وتركها 10دقايق او اكتر حسب الرغبة .
- قومي بخلط الدقيق والنشا قومي برفع قطعة قطعة من الفراخ ووضعها علي الخلطة وقلبيها ورصيها علي طبق بجانب بعض وقومي بتغطيتها وادخالها التلاجة او الفليزر ساعة واكتر .
- بعد دخولها التلاجة قومي بتسخين زيت غزير سخن جدا علي نار متوسطة وقومي بوضع الفراخ وتركها حتي تاخذلون دهبي وقومي برفعها علي مناديل المطبخ وقومي بتقديمها .
ملاحظات لنجاح الاستريبس للشيف حسن
- الفراخ قومي بتقطيع الصدور الكاملة اصابع رفيعة .
- قومي بتقطيع الصدور اصابع بعد غسلها وتنظيفها وتصفيتها جيدا .
- الافضل تركها ليلة كاملة لتتبيلها بشكل احلا .
تعليقات
إرسال تعليق