الكريب الحادق للشيف فاطمه ابو حاتي : الكريب الحادق الكريب عامتا من احلا الاكلات الخفيفة الولاد بيحبوها جدا والكبار كمان وبتكون ليهم اكلة مميزة دايما بيشتروها لكن لو خايفة علي صحة اولادك او نفسك تعملي اكلة جديدة في البيت وعندك بواقي تلاجة الاكلة دي هتنفعك جدا وهت لملك كل بواقي التلاجة كمان العيش سهل جدا وبسيط كمية بسيطة من الدقيق هتعملك كمية كبيرة من الكريب يبقا لازم توفري وتقرري تعمللهم في البيت الكريب فرحيهم باكلة حلوة من ايدك تسعدهم ويكونوا بيحبوها جدا يلا بقا نتعرف علي وصفتنا من مكونات وطريقة .
مقادير ومكونات الكريب الحادق للشيف فامه ابو حاتي
- كوب دقيق
- كوب لبن
- ملعقة كبيرة نشا
- بيضة
- ملعقة كبيرة خل
- ملعقة كبيرة زبدة او زيت
- رشة ملح
- رشة فلفل اسود
- الحشوات :
- ميكس جبن
- فراخ بانية او شاورما او لحمة معصجة او شاورما لحم او برجر
- فلفل رومي شرائح
طريقة عمل وتحضير الكريب الحادق لشيف فاطمه ابو حاتي
- داخل بولة قومي بوضع الدقيق والنشا والملح واخلطي المكونات الجافة قومي باضافة اليض والخل والزبدة او الزيت والللبن واخلطي كل المكونات حتي يصبح الخليط ناعم قومي بتغطيتة وتركة حتي يرتاح.
- بعد ارتياح عجينة الكريب قومي بدهن طاسة ساخنة بدهنة بسيطة من الزيت تسخن جيدا واقوم بوضع جزء من الخليط وتدوير العجينة حتي تكون رقيقة بسمك واحد من كل الاطراف .
- اقوم بتركها حتي تترك حواف الطاسة وتاخذ لون دهبي اقوم بقلبها دقيقة واقوم بتني جزء بسيط من العجينة ووضع الحشو والجبن والفلفل واقوم وعمل الكريب بشكل مثلث واقوم بتحميصة علي الطاسة حتي يتماسك واقوم بتقديمة بجانب الكاتشب والمايونيز.
ملاحظات لنجاح الكريب الحادق للشيف فاطمه ابو حاتي
- يجب استخدام دقيق منخول متعدد الاستخدامات .
- مكوناتك كلها بدرجة حرارة المطبخ.
- الخل مهم جدا لمنع زفارة البيض ومنع رائحتة .
- الزبدة افضل من الزيت داخل الكريب .
- يجب استخدام حشوات مطهية .
- يمكنك استبدال اللبن بالماء او بخليط من اللبن البودر والماء.
- يمكنك الاحتفاظ بوحدات الكريب بعد متبرد تماما في اكياس داخل الفليزر .
- استخدام كمية بسيطة جدا من الزيت لدهن الطاسة حتي لا تزحلق العجينة اثناء لفها.
تعليقات
إرسال تعليق