طريقة عمل بسكويت اليانسون هالة فهمي

الخطوات وطريقة تحضير البسكويت باليانسون للشيف هالة

1. فى بولة كبيرة نضيف ثلاث كوبيات الدقيق و2 معلقة كبيرة يانسون و معلقة كبيرة بيكنج بودر ونضيف كمان ذره ملح ونخلطهم ببعض جيد جدا
2. هنجيب بولة تانية ونضيف الاربع بيضات ونضيب كوباية سكر ونضيف فانيليا برده وبعدين نجيب مضرب كهربائى ونضربهم كويس اذا مش متوفر مضرب الكهرباء ممكن نضيف الزيت علىهم ونحطهم فى الخلاط ونضربهم كويس عشان ندوب المكونات كويس
3. قبل ما نضيف الخليط على الدقيق نجهز الصنية بتاعتنا ويفضل تكون مستطيلة اذا متاح ونضيف فيها زيت فى ارضية الصنية وده مهم جدا ويكونوا عبارة عن معلقتين زيت مش مجرد مسح فقط
4. نبدأ بقى بعد كدة نضيف الخليط السائل على الدقيق ونقلب كويس جيدا وكل ما العجينة تكون بتمط وفيها هوا هتديكى نجاح للبسكويت وبعدين نحط العجينة من البولة للصنية بتاعتنا وتسخدمى الزيت فى ايدك عشان تخلصى العجينة من البولة وتبدئى تفردى العجينة فى الصنية والزيت اللى حطناها فى الاول هيساعدك كتير على فرد العجينة وبعدين هندخلها الفرن على درجة حرارة 180 لمدة 10 دقائق تقريبا لحد ما تاخد اللون الدهبى ونخرجها وهتكون عاملة زى الكيكة الناشفة او المكتومة ,, ونبدأ نخرجها من الصنية قطعة كاملة وخلى بالك عشان مقطعش منك
5. هنبدأ بتقطيعها الى نصفين وبعدين تبدئى تقطعى الى قطع زى البسكويت ونجيب صاجة او صنية بدون اى زيوت نرص البسكوين بالجنب كدة وندخل الصنية الفرن دقتين وبعدين نخرجها ونقلب الوش التانى دقيتين برده وبالف هنا