الحمام الكداب مروة الشافعي

الحمام الكداب للشيف مروة الشافعي : الوصفة دي اشتهرت جدا في كل البيتوت وحلوة ولذيذة جدا لو لسة مجربتيهاش لازم تجربيها تستاهل فعلا التجربة هي عبارة عن اوراك فراخ مخلية بطريقة سهلة ومحشية ارز بالكبد وبالقوانص وطبعا الحشو ده حسب زوقك ممكن تستخدمي فريك او برغل بالطكبد والقوانص ابدعي وخليكي مبدعة دايما طريقتة ومكوناتة بسيطة اوي مش هياخد معاكي وقت خالص ومش هتقفي كتير في المطبخ وهتعملية بطريقة صحية جدا ممكن تقدمية مسلوق او مشوي داخل الفرن لو عندك عزومة هينجزك جامد من حلاوتة مش هيقعد خالص هتتعرفي معانا علي الطريقة وعلي مقاديرة .

مقادير ومكونات الحمام الكداب

• لعمل الحشوة بالازر والكبد والقوانص
• بصلة مقطعة صغير
• 2 ملعقة كبيرة زيت
• كبدة فراخ مكعبات
• قوانص مقطعة
• ملح
• فلفل
• ملعقة صغيرة سبع بهارات
• ارز
• ماء مغلية
• لسلق الحمام الكداب :
• ملح
• فلفل
• بصلة متوسطة
• ورق لورا
• حبهان
• لتحمير الحمام الكداب :
• سمنة

شاهد ايضا : طريقة عمل شيش طاووق للشيف مروة الشافعي
طريقة تحضير الحمام الكداب

1. داخل حلة علي النار اقوم بوضع الزيت يسخنم جدا اضع البصلة واشوحها تاخد لون دهبي انزل عليه ابالقوانص اول متغير لونها ويكون لونها شفاف انزل عليها فورا بالكبدة واشوحهم مع بعض تغير لونها اضفلها ملح وفلفل وبهارات .
2. انزلها الرز والمية واظبط ملحها واسيب الرز يتشرب اهدي النار واتركية ليكون بنص سواه وابتدي احشي الاوراك بالحشوة واقفلها بالخيط كويس .
3. انزلها علي مية مغلية فيها ملح وفلفل وبصلة واللورا والحبهان واغطيها تغلي واهدي النار لغاية متستوي بس متتهراش واول متهدا شوية اشوحها في سمنة لغاية متاخد لون دهبي من كل الجهات واطلعها اول متهدا خالص اشيل كل الخيوط اللي فيها وابتدي اقدمها .

ملاحظات لنجاح الحمام الكداب

1. لازم الاوراك تكون مخلية بطريقة سليمة اترك الورك مخلي بس بحالتة مفتحوش .
2. لكل ورك من الحمام الكاب بنحشية بنص كوب من الارز .
3. القوانص لازم تتشوح الاول لان القوانص سواها اكتر من سوا الكبدة .
4. السمنة هتعطي للحمام الكداب قرمشة ولون مميز .
5. ممنوع لف الاوراك بالالومنيوم فويل لان الالومنيوم فويل بياكسد وغلط جدا علي اطفالك .
6. ممكن تقطعيها حلقات وتقدميها هتعجب ولادك اوي .