القائمة الرئيسية

الصفحات

أحدث الموضوعات

الفولية بدون عسل جلوكوز : جبتلكم الحل الرهيب لكل الستات بديل حلو جدا بيعطي نفس النتيجة ونفس الطعم وهوا العسل الاببيض لو مش متوفر طبعا العسل الجلوكوز ممكن تستخدمي العسل الابيض عادي جدا لو مفيش الاتنين تقدري تستغني عنة كتير مش بيلاقو عسل الجلوكوز وبيحتاجو يعملو الفولية او حلوي المولد عمتا هتقدري ومن غير العسل الجلوكوز تعملي كل اللي تحبية ومش هتتعبي ولا هتدوري تاني
طريقة عمل الفولية بدون جلوكوز

مقادير ومكونات الفولية بدون عسل جلوكوز

  • 2 كوب فول سوداني محمص
  • كوب سكر
  • نصف كوب ماء
  • نصف ملعقة صغيرة ملح ليمون
  • 3 ملعقة كبيرة عسل ابيض

شاهد ايضا : طريقة عمل الفولية ( السودانية ) للشيف حسن

طريقة عمل وتحضير الفولية

  1. احضري صنية الومنيوم او ورقة زبدة لو صنية طبعا هتدهنيها طبقة كويسة كده من الزيت وتسبيها علي جمب .
  2. احضري بولة زجاجية او بولة سلستيل او الومنيوم تكون مدهونة زيت حلو وتسبيها لي جمب .
  3. داخل طاسة قومي بوضع السكر والماء وقومي بتقليب المكونات علي النار عندما تبدء في الغليان اقوم بوضع ملح الليمون والعسل الابيض واستمر في التقليب علي نار متوسطة من البداية التقليب المستمر مهم جدا ومسح اطراف الحلة دائما عندما يتم ظهور السكر عليها .
  4. هيبتدي العسل يدخل في اللون الدهبي في الخطوة دي هتجيبي السوداني وتسخنية علي طاسة تيفال سخنة جدا واختبر العسل اخد نقطة علي كوباية مية سقعة لو اتماسك واتكسر زي الازاز لما اطلعة من المية يبقا جاهز اطفي النار نزلي الفول ع البولة وعلية العسل سخن جدا وقلبيهم بسرعة .
  5. الملعقة تكون مدهونة زيت هتساعدك علي التقليب واول ميختلطو نزلي علي طول الفول ع الصنية او ورق الزبدة بنشابة مدهونة زيت او ضهر ملعقة خشب مدهونة زيت وافرديها بسرعة افرديها بسوا واحد وسبيها تهدا شوية وابتدي اقطعها واسبها تبرد خالص وبعدها اكسرها واقدمها .

ملاحظات لنجاح الفولية

  1. العسل الابيض بيحل محل العسل الجلوكوز وممكن الاستغناء عنة .
  2. من اللازم احضار كل ادواتك مدهونة زيت قبل بدء في عمل العسل الرابط لانة يحتاج لسرعة كبيرة .
  3. لا يمكنك استخدام اي شيء بلاستيك لوضع العسل اثناء خلطة بالفول .
  4. التقليب المستمر حتي يصل الي اللون الدهبي مهم جدا ومسح الجوانب حتي لا يصبح الخليط مكتل .
هل اعجبك الموضوع :

تعليقات

محتويات الوصفة