بسكويت الشوفان : هنعمل مع بعض بسكوت الشوفان بسكوت طعمة حلو جدا ومغذي جدا لصحة ولادك ينفع للدايت مشبع ممكن تعطية لولادك في المدرسة ياكلوة علي الصبح كده يصحصحهم ويقوي تركيزهم هيايل فعلا ممكن تقدمية كمان لضيوفك جمب الشاي او القهوة شكلة شيك جدا وطعمة روعة ممكن كمان تغلفي البسكوت وتبدئي بية مشروع من مشاريع النت وممكن تهدي بية اي حد تعبان هيكون هيايل جدا لان مكوناتة كلها مغذية اوي ومكونات بسيطة لكن قيمتها الغذائية كبيرة اوي اعملية بكمية كبيرة في البيت مش هتحتاجي ولا هتخدي اي وقت خالص وهيعجب كل اللي هيجربة .
شاهد ايضا : طريقة عمل بسكويت اليانسون للشيف هالة فهمي
مقادير ومكونات بسكوت الشوفان
- كوب زبدة (200جم )
- كوب ونصف سكر
- 2 بيضة
- ملعقة صغيرة فانيليا
- ملعقة صغيرة بيكينج بودر
- ملعقة صغيرة قرفة
- كوب ونصف دقيق منخول
- 3 كوب شوفان
- كوب زبيب ومكسرات
- ملعقة كبيرة عسل اسود
- رشة ملح
- درجة الحرارة 160
- المدة من 12الي 15دقيقة
شاهد ايضا : طريقة عمل بسكويت اليانسون للشيف هالة فهمي
طريقة عمل وتحضير بسكوت الشوفان
- داخل بولة اقوم بوضع السكر والزبدة واقوم بخلط المكونات بالمضرب الكهربائي حتي تحصلي علي قوام كريمي بلون فاتح اقوم بوضع البيض والفانيليا واقوم بخلطهم جيدا .
- اقوم بوضع العسل الاسود واقوم باستمرار الخفق اضع البيكينج بودر والقرفة والملح علي الدقيق اقوم بنخلهم علي المكونات واقوم بوضع الشوفان والمكسرات والزبيب واقوم بتقليبهم باليد حتي تتجمع .
- قومي بتشكيل اقراص البسكوت علي صنية مدهونة زيت بسيط جدا واقوم بادخالة فرن سخن جدا علي الشبكة لغاية مياخد لون دهبي وممكن كمان افتح الشواية علي الهادي خالص حتي ياخذ لون دهبي بسيط من الوش .
- قومي بتقديم البسكوت مع الشاي او القهوة روعة جدا.
ملاحظات لنجاح البسكوت
- الزبدة بتكون بدرجة حرارة المطبخ .
- العسل بيعطي مضغة وطعم مميز ومغذي للبسكوت.
- استخدمي صواني الومنيوم لخبز كل انواع المخبوزات .
- عند فتح الشواية لاعطاءة لون من الوجة اقوم بنزول الصنية الي الارضية .
- يجب مباشرة والنظر دائما علي البسكوت طول فترة خبزة داخل الفرن .
- يمكنك تبديل المكسرات باي نوع وممكن اكتفاءك بالزبيب .
- ممكن تقللي كمية السكر حسب متحبي .
تعليقات
إرسال تعليق