طريقة عمل البقسماط المقرمش منال العالم

المقادير والمكونات اللازمة لعمل البقسماط

• نص كيلو دقيق
• نص كوب زيت
• معلقة كبيرة من الخميرة
• 2 معلقة من السكر
• كوب من ماء دافئ
• سمسم
• حبة البركة
• معلقة صغيرة من الملح
• الشمر

الخطوات اللازمة لعمل البقسماط المقرمش

1. فى بولة هنجيب الدقيق ونضيف السكر والخميرة الفورية وهنقلب كويس جدا وهنضيف الملح وهنضيف على حسب الرغبة السمسم وحبة البركة والشمر ونقلب جيد جدا وهنضيف نصف كوب الزيت ومهم جدا يكون زيت مش سمنة عشان تقمرش كويس وابدأ هنفرك العجين بالزيت كويس جدا ونفرك كويس عشان الزيت يختلط بالدقيق وبعدين نضيف كوب مياة دافئة ونقلب جيدا جدا مدة 10 دقائق تقريبا وبعدين نبدأ نخرج العجين ومش هنكور العجين زى كل مرة وانما هنقوم بفرد العجين بشكل مستطيل وبعدين هنغطيها ونسيبها ترتاح نصف ساعة فقط
2. هنجيب صنية وندهن فيها زيت وهنجيب طبق فيه سمسم جنبنا ونبدأ نقطع العجين بالعرض على شكل البقسماط حوالى 10 طقع وبعدين نقطع كل قطعه الى قطعين
3. ونبدأ نفرد كل قطعة على شكل البقسماط بشكل مطول ونلف فيها وبعدين نحط القطعه فى السمسم وبعدين نحط فى الصنية وهكذا وبعدين فى الاخر نغطيها ونسيبها شوية تخمر ثم نحطها داخل الفرن على درجة حرارة هادئة فى الرف الاوسط من الفرن

ملاحظات هامة لنجاح الوصفة

• ننخل الدقيق جيدا بالمنخل للتأكد من عدم وجود أى شوائب به.
• نترك صينية البقسماط فى مكان دافىء حتى تتخمر مرة أخرى لمدة ساعة على الأقل.
• بعد تخمر البقسماط نخبزه فى الفرن على نار هادئة جدا حتى يحمر وجهه ويأخذ اللون الذهبى.