طريقة عمل الزلابية للشيف هالة فهمى : تعتبر الزلابية من الحلويات الشعبية المشهورة في البلاد العربية خاصة في مصر والشام والمغرب العربي والعراق. يكثر الإقبال عليها في شهر رمضان وتتميز بالمقرمشة الرائعة واللذيذة تقدري الان تعمليها فى البيت بخطوات بسيطة ومبسطة والتركات المستخبية لضمان جودة عالية وقرمشة ممتازة زى المحلات والمصانع نقدمها اليوم لكم علي موقع وصفات .
المقادير اللازمة لعمل الزلابية فى البيت
- 5 كوب دقيق
- نص كوباية نشا
- معلقة كبيرة خميرة
- معلقة كبيرة سكر
- معلقة صغيره بيكنج بودر
- 3 كوب ماء
- شربات تقيل
الخطوات وطريقة التحضير المطلوبة لعمل الزلابية
- نحتاج بولة كبيره فاضية وناشه ونبدأ نحط اولا الخميره والسكر ونضيف عليهم كوباية ميا دافية ونقلب جيدا عشان ندوب الخميرة والسكر مع بعض وبعدين ضيف كوبايتين ميا دافية كمان وبكدة المجموع 3 كوبايت و نحط الدقيق فيها ونحط نص كوباية نشا
- ومعلقة صغيرة شربات ثقيل ونقلب جيد جدا الخليط وتبدأ تعجنى بايدك كويس وتحاول تدوبى المكونات لازم تكون عجينة الزلابية ناعمة وسايلة وبعدين نغطيتها ونسيبها تخمر نص ساعة
- هنجيب العجينة بعد كدة ونحط طاسة عالنار تسخن بالزيت بتاعها وبعد كدة نجيب معلقة صغيره وجنبك طبق صغير من الزيت وتستخدمى ايدك وتعصرى بايدك حاجة من العجين وتجيبى المعلقة بعد ما تغمسيها فى طبق الزيت البارد وتخدى زى كورة صغيره كدة من ايدك من فوق وتحطى فى الزيت السخن على طول وتكررى نفس العملة تاخدى بايدك وقطعى بالمعلقة المغموسة فى الزيت كورة صغيره ونحط فى الزيت
- ونقلب الزلابية فى الزيت جيد جدا ويستمر التقليب لحد ما تاخد لون شوية وتصلى لمرحلة انك لما تقلبى فيها تعمل صوت كدة وناخدى بقى اللى فى الطاسة قبل ما ياخد اللون الذهبى ونريحها شوية ونحط كمية جديدة فى الزيت عشان القديم يرتاح شوية ونرجع نحطها فى الزيت التانى لحد ما تاخد اللون اللى متعودين عليه وبعد كدة نحط الشربات عليها
تعليقات
إرسال تعليق