طريقة عمل البيتي فور سالي فؤاد

البيتى فور البيتى الناعم اللذيذ : البيتى فور فرنسى الاصل يؤكل عادة مع الشاي او بين الوجبات ويوجد منه المالح..يقدم عادة فى المناسبات تعنى كلمة بيتى فور بالفرنسيه الفرن الصغير .

المقادير ومكونات البيتى فور

• 200 جرام دقيق (طحين)
• 80 جرام نشا
• 200 جرام زبده طريه
• 80 جرام سكر باودر منخول
• فانيليا غامقه
• 2 صفار بيض
• رشة ملح 
• كاكاو خام حسب الرغبه
• لبن قليل حسب الرغبه
• مربى ..مكسرات ..شيكولاته سايحه (للتزيين)

طريقة تحضير البيتي فور

1. نضرب الزبده مع السكر البودره ونضرب حتى تصبح كريميه.
2. ثم تضيفى لها صفار بيضتين والفانيليا ورشة الملح الغامقه واضربيهم مع بعض بالمضرب .
3. اخلطى النشا مع الدقيق جيدا ثم ضيفيه للخلطه بالتدريج مع التقليب الجيد حتى تحصلى على عجينه تصلح للضغط فى كيس حلوانى 
4. ادخليه فى كيس الحلوانى واضغطيه على صينية فرن مفروشه بورق زبده وأدخليها الفرن على درجة حراره 180
5. واتركيه من 15 الى 20 دقيقه .

شاهد ايضا : طريقة عمل البيتيفور للشيف حسن

ملاحظات هامه لنجاح البيتى فور

1. نصيحه ان توزنى المقادير بالميزان افضل عشان متلخبطيش فى المقادير .
2. الزبده تكون طريه وتكون بدرجة حرارة الغرفه متكونش سايحه ولا ساقعه .
3. الزبده تضرب بالمضرب الكهربائى كتييير مع السكر حتى تصبح كريميه كل ما كانت كريمه النتيجه هتكون احلى .
4. يفضل الفانيليا تكون غامقه بتفرق فى الطعم ونتيجتها أفضل من العاديه .
5. لو عايزه البيتى فور بالكاكاو شيلى 25 جرام من الدقيق وضيفى مكانهم 25 جرام كاكاو .
6. صفار البيض يفضل ميفصلش عن البياض الا وقت استخدامه عشان لما بيتفصل عن البياض ويقعد فتره 
7. من الوقت بيعمل طبقه زي قشره ثقيله ودا غير صحى .
8. يفضل تجربى 2 أو 3 بيتى فور فى الفرن الاول عشان تشوفى نجح او لاء ومقاديرك مظبوطه ولا محتاجه حاجه وسيبى بينهم مسافه
9. ودا افضل ما تعملى الكميه كلها وتكتشفى فى الآخر انها مش مظبوطه .
10. لو حسيتى العجين ثقيل او ومش هينفع يتضغط فى كيس الحلوانى ضيفى القليل من اللبن.
11. متستخدميش ايدك فى العجن استخدمى ملعقه وممكن تضربيه ضربه فى الآخر بالمضرب الكهربائى .
12. متنسيش رشة الملح بتفرق .