طريقة عمل كنافة بالمهلبية مطبخ نجلاء الشرشابي ( حلويات ) : كما عودناكم دايما بأكلاتنا و الوصفات المميزة النهارده معانا اكلة يمكن الكل بيحبها تقريبا وبالاخص فى العزومات والاكتر فى شهر رمضان معانا طريقة عمل الكنافة بالمهلبية او بالقشطة او بالكريمة الشهية واذا حاببه ممكن تضيفى بالمانجو ايضا التى لها مذاق خاص فى الحلويات وتعتبر من اشهر الحلويات العربية و الشرقية المميزة واللذيذة وسنقدمها اليكم اليوم بطريقة سهلة تقدم الشيف نجلاء الشرشابى المتميزة بالمقادير مكتوبة واليكم فيما يلى المقادير والخطوات .
المقادير المطلوبة لعمل كنافة بالمهلبية او بالقشطة :
- نص كيلو كنافه
- كوب سمنه
- نص كوب سكر بودرة
- مكونات المهلبية ( الحشو )
- نص كوب قشطة بلدى
- او 2 كوب لبن
- 2 معلقة كبيرة نشا
- شربات
- زبيب
- جوز هند
طريقة تحضير الكنافة بالقشطة او بالمهلبيه خطوة بخطوة :
- فى البداية نحضر المهلبية او القشطة فى الاول نحضر حلة على النار متوسطة ونضع فيها كوبيتين من اللبن ومعلقتين كبار من النشا ونقلب جيدا قبل ماللبن يسخن ونحط شوية قشطة كمان عشان يبقى دسم شوية ونسيبه عالنار شوية وطبعا لازم ندوب النشا كويس.
- ونجيب فى بولة جديدة الكنافة ونحطها فيها وبعدين نفككها بادينا شوية وبعدين نضيف معاها نصف كوباية لبن بودرة ونقلب جيدا ونجيب حلة ونحط فيها كوبة السمنة عشان يسيح معانا وبعدين نجيب السمنة بعد ما تسيح ونضيفها على الكنافة اللى فى البولة.
- نجيب صينية ونفرد نص كمية الكنافة معانا فى الصنية ونجيب صنية اصغر منها ونضغط بيها على الكمية اللى حطيناها فى الصنية عشان تفرد فى الصنية وبعدين نجيب القشة او المهلبية بعد ما نسيبها تبرد شوية ونضيف عليها المكسرات اللى نفسك فيها ونضيف الزبيب وجوز الهند حسب الرغبة وبعدين نضيف الحشو على الصنية .
- نجيب بعد كدة باقى الكنافة المتبقية ونضيفها فى الصنية فوق الحشو ونوزع الكنافة ونكتفى بضغط اليد فقط.
- نحطها فى الفرن شوية تحت وشوية فوق ونطلعها من الفرن بعد ما تاخد وش ونضيف عليها الشربات بتاعنا ونرجعها تانى للفرن وبعدين شوية ونرجع تانى ونضيف شوية شربات ولو فيها مناطق بعد كدة لسه محتاجة شربات يمكنك ان تضيفيها بالمعلقة بنعمل كدة عشان نتجنب ان الكنافة تنشف مننا وتكون الكنافة اللذيذة اللى بنحبها.
 : كما عودناكم دايما بأكلاتنا و الوصفات المميزة النهارده معانا اكلة يمكن الكل بيح…){kind=link}
تعليقات
إرسال تعليق