البلاميطة في الفرن فى البيت : او تمسي ايضا بـ صنية سمك ماكاريل فى الفرن ومن المعروف ان سمك ماكريل او البلاميطة ونقدم طريقة من افضل طريقه لعمل سمك الماكريل فى البيت وفي فرن البوتجاز هشرفك فى العزومات شكل وطعم خرافي وطريقة لكسر الروتين خفيف واكلة صحية .
المكونات و المقادير الخاصة بعمل صنية البلاميطة
- سمك ماكريل
- بصله كبيره
- ثوم
- كسبره خضره
- بقدونس
- فلفل اخضر حامى وبارد
- عصير طماطم
- خل وليمون. زيت
- خلطه من الكمون والكسبره الناشفه والفلفل الاسود
- ملح
الخطوات وطريقة تحضير طريقة عمل البلاميطة في الفرن
- طبعا قبل كل حاجة هنضف السمك كويس جدا وننضفهم من جوه وتقدري تنقعيه فى شوية ميا مع شوية خل وبلاش تكتري الخل عشان السمك ميدوبش ومعاه ليمون ونقطعها نصفين على الاقل او ممكن تسيبها كاملة زي ما هيا ويفضل قطع الرأس والتخلص منها على حسب الرغبة ونبدا فى عمل الخليط
- اولا هنضرب بعض المكونات فى الخلاط او الكبه وهنبدا بالبصل والثوم والفلفل ونضرب كويس جدا وبعد كدة نضيف ونعصر الليمون وبعد كدة ننزل بالفلفل الاسود والكسبره وننزل بالكمون ومقدار معلقة كبيرة خل ومعلقة واحدة زيت ونضرب كويس جدا فى الخلاط
- هنجيب صنية ونفرش فيها عصير الطماطم وبعد كدة نفرشها فى الصنية ونضيف عليه الخليط بتاعتنا ونضيف عليهم الملح ونقلبهم كويس جدا مع بعض وونفرشهم فى الصنية نبدا ننزل بالسمك ونشرب السمك الخليط كويس جدا من جوه ومن بره ونرصه كويس ونضيف على الوش شرائح الليمون ونرش على الوش حوالي 3 ملاعق زيت
- ممكن نخليها تاخد غلوة عالنار قبل ما تحطيها فى الفرن ولكن ممكن تحطيها فى الفرن مباشرة على درجة حرارة 180 درجة لحد ما تستوي ومن غير ما تتحرق
- وطلعيها وقدميها وبالف هنا وعافية.
ملاحظات لنجاح عمل صنية البلاميطة فى الفرن فى البيت
- لازم التنضيف الجيد جدا ويفضل قطع الرأس لانها بتكون فيها زفارة عالية
- يفضل تجنب كثرة الخل فى التنضيف حتى لا تتفتت لحم السمك
- سخني الفرن قبل ما تحطي الصنية فيها
تعليقات
إرسال تعليق