جلاش ال 3 دقائق : النهارده هقندم طريقة تحضير الجلاش فى البيت بطريقة مبسطة للمبتدئين الجدد فى البيت والمكونات سهلة ومتوفره وغير مكلفة .. الجلاش ده ممكن تقدميه بعد الوجبات كتحلية و ايضا يمكنك تقديمه للضيوف هيعجبكم جدا فى وقت بسيط جدا تقدري تحضريه وتابعي معانا هنشرح خطوة بخطوة ومن الالف للياء ونبدأ علي بركة الله .
اولا مقادير السيرم او الشربات
- كوب ماء
- كوب سكر
الخطوات طريقة تحضير الشربات فى المنزل
- نحضر حلة ونضيف الماء وبعد كده نضيف السكر ونضعه علي النار لمدة 7 دقائق وبعد ما يغلي نهدي النار ونضيف لها عصرة ليمونة
- بعد ذلك نزيله من علي النار وطبعا المفروض مش يكون بارد اوي ولا سخن اوي يكون بدرجة حرارة المطبخ
ثانيا مقادير الجلاش فى المنزل
- لفه جلاش
- نص كوب زبده مذابه
- نص معلقه صغيرة بيكينج بودر
- سوداني مجروش
الخطوات و طريقة تحضير الجلاش فى البيت
- نحضر لفة الجلاش ونفرده ونقسمها الي نصفين
- نحضر النصف الاول ونضيف عليها المكسرات او الفول السوداني او المكسرات المتاحة لديكي ونوزعها عليها كلها وبعد ذلك نلفها رول
- ونحضر النصف الاخر ونضيف عليه المكسرات او الفول السوداني المجروش ونلفها رول
- بعد ذلك نقطعه علي شكل مثلثات ونحضر صنية ونضيف فيها الجلاش بعد ما قطعنه كله
- نحضر بعد ذلك نصف كوب زبدة مذابة ونضيف عليها نصف معلقة صغيرة بكنج بودر ونقلبهم معا وبعد نسقي بهم الجلاش
- لابد ان الفرن يكون ساخن علي درجة حرارة 200 علي الرف الاوسط ونشغل الشوية والفرن ولمدة 5 الي 10 دقائق
- بعد ما نخرجها من الفرن نسقيها الشربات الخفيف كله بعد ما يتشرب الشربات كله
- نخرجه من الصنية وقدميه في طبق التقديم بالف هنا
نصائح مهمه لنجاح الجلاش
- جهزى الشربات أولا لتصبيه بارد ولكن مهم ان يكون الجلاش ساخن
- يمكنك حشوه بالمهلبيه بدلا من المكسرات
- عند فتح الشوايه ليأخذ لون راقبيه حتى لا يحترق لأنه سيأخذ اللون بسرعه جدا ..كونى حريصه
- وأيضا راقيبه وهو فى الفرن
- لا تستبدلى الزبده بالزيت ولكن يمكنك استبدالها بالسمن البلدى
تعليقات
إرسال تعليق