كيك الماج بصوص الشيكولاتة للدايت للشيف فاطمه ابو حاتي : كيك الماج من احلا انواع الكيك لكن انهاردة هتعمليها دايت سعات كتير في الشتا بنحتاج نعمل حلويات او كيكة شيكولاتة وبنخاف علي الدايت مع مكونات كيك الماج هتعملي احلا كيك بصوص الشيكولاتة بسيط وسريع وطعمة مش هيفرق ابدا عن العادي ومش ممر خالص ومش مضر بالدايت مكونات الكيك بدون بيض لكن هشة جدا ورافعة وطعمها يجنن ومن غير فرن خالص .
مقادير ومكونات كيك الماج بصوص الشيكولاتة للدايت للشيف فاطمه ابو حاتي
- كوب وربع دقيق شوفان
- ربع كوب كاكاو خام
- ربع كوب زيت جوز الهند
- كوب لبن رايب منزوع الدسم
- ربع كوب سكر سويتال
- ملعقة صغيرة خل
- نصف ملعقة صغيرة بيكينج بودر
- نصف ملعقة صغيرة بيكربونات الصوديوم
- ذرة ملح
- صوص الشيكولاتة
- كوب شيكولاتة
- نصف كوب لبن منزوع الدسم
طريقة عمل وتحضير كيك الماج بصوص الشيكولاتة للدايت للشيف فاطمه ابو حاتي
- داخل بولة قومي باضافة الدقيق والملح والسكر والكاكاو والبيكينج بودر والبيكينج صودا وقومي بخلطهم جيدا .
- داخل بولة اخري قومي باضافة اللبن والزيت والخل وقومي بتقليبهم سويا وقومي بوضعهم علي المكونات الجافة وقومي بخلطهم جيدا .
- قومي بتوزيع الخليط علي مجات 1/3 الكوب وقومي بوضعها داخل حلة داخلها ماء مغلي ربع الحلة فقط ةتغطيتها بفوطة نظيفة وتغطيتها ورفع اطراف الفوطة وتهدئة النار خالص وتركها تلت ساعة فقط وقومي باختبارها من المنتصف باستيكس حتي تصبح كاملة النضج وقومي برفعها وتهدئتها وقلبها .
- قومي ببشر الشيكولاتة ووضع اللبن ساخن علي الشيكولاتة وتقليبهم حتي يصبح الخليط متجانس وقومي بتوزيع الصوص علي الكيك .
ملاحظات لنجاح كيك الماج بصوص الشيكولاتة للشيف فاطمه ابو حاتي
- يمكنك استبدال زيت جوز الهند بزيت نباتي .
- من الازم استخدام نوع جيد من زيت جوز الهند وده اهم حاجة .
- يمكنك استخدام اي نوع سكر دايت بس هذا النوع لا يعطي اي مرارة داخل الكيك .
- الخل يعمل كمادة رفع للكيك ويجعلها هشة.
- يمكنك عمل نفس المكونات بنفس المقادير للكيك العادي .
- يجب استخدام لبن ساخن فقط وليس بمغلي .
تعليقات
إرسال تعليق