كفتة فراخ الشيف حسن

المقادير ومكونات كفتة الدجاج للشيف حسن

• 1/2 كيلو اوراك مفروم
• نصف كوب شوفان مطحون
• نصف كوب بقسماط مطحون
• معلقة كبيرة ثوم مفروم
• معلقة صغيرة ملح
• معلقة صغيرة فلفل اسود
• معلقة صغيرة بهار فراخ
• معلقة صغيرة ثوم بودر
• معلقة صغيرة بيكنج بودر
• 2 عدد أبيض بيض

• 3 عدد بيض
• رشة من الملح
• رشة من الفلفل الابيض
• 3/4 كوب من اللبن الدافئ

الخطوات و طريقة تحضير كفتة الفراخ للشيف حسن

1. في بولة نضيف نصف كيلو اوراك فراخ مفروم ونضيف عليها نصف كوب من الشوفان المطحون ونضيف عليها نصف كوب من البقسماط المطحون ونضيف معلقة كبيرة ثوم مفروم ونضيف عليها البهارات الاتيه ( معلقة صغيرة من ( الملح - الفلفل الاسود - بهار الفراخ - ثوم بودر - بيكنج بودر ))
2. بعد ذلك نحضر المكونات ونضعها في الكبة او عجانة عشان اصمغها مع بعضها وتتمتزج المكونات معا
3. وبعد ذلك واثناء التشغيل نضيف عدد 2 ابيض بيض عشان تربط معا
4. بعد ذلك نحضر الروك بتاع كفتة الفراخ عن طريق احضار بولة ونضع فيها عدد 3 بيض ونضيف عليها رشة من الملح ورشة و رشة من الفلفل الابيض ونرجهم معا جيدا بعد ذلك نضيف عليهم تلت تربع كوب من اللبن الدافئ
5. نحضر بولة ونضع فيها شوية من الدقيق ونضيف عليها شوية من الملح ونضيف عليهم شوية من الفلفل الاسود شوية من الثوم البودر شوية من البصل البودر ونخلطهم معا ونحضر بولة اخري ونضيف فيها البقسماط المطحون ونضيف عليه شوية من الملح ونضيف عليهم شوية من الفلفل الاسود ونضيف شوية من الثوم البودر وشوية من البصل البودر ونخلطهم معا
6. بعد ما صمغنا الكفتة كويس نشكلها زي ما انتي عايزه ممكن تعمليها صوابع او دائرية او برجر او مكورة زي ما تحبي
7. بعد ما شكلتها نبدا ندحرجها في الدقيق المبهر وبعد ذلك نضعها في الروك الي هو البيض واللبن الي عملناه ونتركها في شوية وبعد ذلك نضعها في البقسماط المبهرة
8. بعد ذلك يكون عندي طاسة بها زيت ساخن وعميق ونبدا ننزل الكفتة فيه حتي تنضج وتاخذ اللون الذهبي الجميل بعد لك نطلعها علي ورق منديل المطبخ وبعد ذلك قدميها بالهنا والصحة .