كفته الفراخ فاطمه ابو حاتي

كفته الفراخ فاطمه ابو حاتي
    كفته الفراخ فاطمه ابو حاتي : لو عاوزة اكلة تكون بسيطة واقتصادية وعندك فراخ افرميها واعملي منها احلى كفتة ممكن تاكليها صحية وطعمها حلو اوي مش دسمة خالص كفتة الفراخ من احلا واخف الكفتات اللي ممكن تعمليها في البيت هتعملك كمية وكمان مش هتاخد منك اي وقت خالص يعني لو عندك فراخ مفرومة هتكون سهلة عليكي ولو مفيش ممكن تفرميها بكل سهولة في الكبة وممكن كمان تدقيها في المدق بكل سهولة و هتطلع تحفة جدا .
    كفته الفراخ فاطمه ابو حاتي

    مقادير كفتة الفراخ

    • 2 كيلو صدور واوراك مفرومين
    • 2 م ك برغل مغسول ومتصفي
    • بصلة مقطعة صغير
    • 4 م ك شوفان مطحون
    • ملح
    • فلفل
    • م ص بيكينج بودر
    • رشة بهارات من
    • (زعتر /بابريكا / ثوم بودر /حبهان بودر / بارات سبعة )
    • رشة سكر


    طريقة تحضير كفتة الفراخ

    1. داخل بوله نضيف الفراخ المفرومة والبرغل مغسول ومتصفي مش منقوع والتوابل والبيكنج بودر والبصل واعجن المكونات كلها كويس مع بعض ونغطيها وندخلها الثلاجة ترتاح .
    2. اجيب سيخ مدهون زيت وصنية مدهونة زيت وابتدي أشكل وارص كل الكفتة على الصنية لغاية ما خلص المقدار غطيها بفويل وندخلها فرن سخن اوي علي 200ع الارضية .
    3. اول ماتغلي اطلعها ع الشبكة اول ماتستوي اشيل الغطا واسبها تاخد لون واقدمها مع الخضار السوتية .

    ملاحظات لنجاح الكفتة

    1. لازم الفراخ تتغسل كويس وتتننقع وتصفي من اي مية قبل فرمها .
    2. من اللازم ان يكون البرغل مغسول ومتصفي كويس من اي مية من قبل مينزل علي الفراخ .
    3. من اللازم أن تصفي البصل كويس اوي ويكون ناعم لان اي مية مع الفراخ هتخلي الكفتة تفك خالص .
    4. لازم يكون الفرن سخن جدا وع اعلا درجة ولازم تكون متغطية و اشيل الغطا اول ماتستوي عشان تاخد لون حلو من غير شواية الحرارة والسخونية هتعطيها لون.
    5. ممكن طبعا تتحمر بس احنا عملنها صحية وتقدميها مع الخضار السوتية الاكلة ي صحية جدا والفراخ خفيفة .
    6. من اللازم فرم الاوراك مع الصدور لتماسك اكتر بسبب الدهون المتواجدة داخل الاوراك الصدور خالية من الدهون .

    إرسال تعليق