الجاتوه شاتوه فاطمه ابو حاتي

الجاتوه شاتوه فاطمه ابو حاتي
    الجاتوه شاتوه فاطمه ابو حاتي : هو عبارة عن جاتوة لكن بسعر إقتصادي جدا هتقدري تعملي من كوباية دقيق دستة كاملة شكله شيك اوى ممكن تعمليه في عيد ميلاد في مناسبة او عزومة يشرفك الجاتوة طعمة حلو جدا شكلة شيك اوي الكيكة رطبة و مسقية كويس وعليها طبقة صوص رهيبة جدا عاطية طعم حلو اعملية بد يشرفك فاي حاجة لو جايلك ضيوف قدمية بجد اللي مجربوش خسران ومقاديرة وطريقة بسيطة جدا يالا بينا نعرف المقادير والطريقة .
    الجاتوه شاتوه فاطمه ابو حاتي

    مقادير ومكونات الجاتوه شاتوه

    • كوب دقيق منخول
    • كوب زيت
    • كوب لبن سخن
    • كوب سكر
    • نصف كوب كاكاو خام اسباني منخول
    • م ك بيكينج بودر
    • رشة ملح
    • 2 بيضة
    • م ص فانيليا
    • الحشو 
    • كوب كريم شانتي خام
    • كوب لبن مثلج
    • نصف كوب سكر بودرة منخول
    • 2 م ك كاكاو خام منخول
    • لتسقية الكيك 
    • نصف كوب لبن
    • م ك سكر بودرة
    • م ك كاكاو خام

    طريقة تحضير الجاتوه شاتوه

    1. داخل الكبة اقوم بوضع السكر و2/3 اللبن واسيب التلت ونخلطهم لغاية ما السكر يدوب تماما نضيف الكاكاو ونخلطهم وابتدي اضيف الزيت شوي بشوية لغاية ما يختلطوا كويس اوي والزيت كمية تخلص اختلطو اخد من الخليط كوباية .
    2. علي باقي الخليط ابتدي اضيف باقي اللبن والبيض والفانيليا ورشة الملح واخلطهم كويس اوى فى بوله نضيف الدقيق والبيكنج بودر ونقلبهم وابتدي اضيف الخليط السائل واقلبهم كويس مع بعض .
    3. نقوم بدهن القالب وابطنة دقيق ويكون القالب مقاس 22 او 24 ويكون مستطيل اضيف لة الخليط ونقوم بادخاله فرن سخن على 180 على الشبكة لغاية ماتستوي وأخرجها واقلبها على شبكة واسبها تبرد وبعد ماتبرد ابتدي اقسمها اتنين .
    4. فى بوله نضيف الكريمة والسكر واللبن ونخلط المكونات لغاية مالكريمة تتماسك اضيف معلقة من الصوص او كاكاو ونخلطهم مع بعض بعد ما قسمت الكيكة اخلط مكونات التسقية وابتدي اسقي الكيك واول ما تشرب اضيف الكريمة وممكن اضيف مكسرات او شوكليت شيبس افردها وانزل عليها القطعة الثانية وابتدي اسقيها .
    5. بعد ما سقتها قلبتها علي الوش الأملس وابتدي افرد الصوص اللي شلناه من الخليط وابتدي اشيل كل الأطراف وابتدي اقطع المهم امسح السكينة بين كل قطعة وابتدي اقدم وازين وأقدم .
    6. الكيك اللي طلع من الجوانب اللي قطعناها ممكن ننزلها في كاسات وعليها كريمة ومكسرات او شيكولاتة مبشورة وكريز .

    ملاحظات لنجاح الجاتوه

    1. لازم اللبن يكون سخن عشان تقدري توبي السكر بسهولة والكاكاو لازم يكون نوعة حلو عشان يعطيكي الطعم الحلو .
    2. الدقيق يكون منخول اكتر من مرة واي مادة جافة لازم تكون منخولة زي الكاكاو والسكر البودرة .
    3. القالب لو بيريكس نزلية علي صنية الومنيوم او استخدام صينية الومنيوم للخبز .
    4. عدم اخراج الكيكة فور سويها لازم اسبها جوة الفرن واطفيه واسبها تهدا خالص .
    5. لازم اللبن يكون ساقع جدا اثناء وضعه على الكريمة .
    6. امسحي السكينة واستخدميها مشرشرة عشان تقدري تقطعي الكيك بسهولة ولازم تمسحيها بين كل مرة بتقطعي فيها والافضل تكون نزلة في مية سخنة .
    1. رائعة يا ست فاطمة تسلم ايدك ان شاء الله هجربها

      ردحذف
      الردود
      1. تسلمي ياحبيبتى جربيه هيعجبك جدا وهيطلع تحفه من ايدك .

        حذف
      2. نورتى موقع وصفات ونورتينا بزيارتك

        حذف