الغريبة للشيف هالة فهمى : ومع اقتراب دخول العيد والاقبال على الكحك والبسكويت والغريبة هنقدم النهارده طريقة تحضير الغريبة فى البيت . طبعا الغريبة تعتبر من اشهر و أسهل الحلويات فى التحضير وهى ذات طعم جميل غير مكلفه ومشهور عملها فى الأعياد والمناسبات ولكن هناك عشاق للغريبة طول السنة وست البيت دائما ما تريد مطبخها جاهز لتحضير اى وصفة فى المنزل لضمان اكثر لصحة الاطفال ونستعرض طريقة تحضير الغريبة فى المنزل بمكونات بسيطة وخطوات مبسطة من موقعنا وصفات .
المقادير والمكونات الخاصة بعمل الغريبة للشيف هالة
- 4 كوب دقيق
- 2 كوب سمنة
- كوب سكر بودر
- مكسرات حسب الرغبة
الخطوات و طريقة تحضير الغريبة فى البيت للشيف هالة فهمي
- الخطوة الاولي نحضر بولة ونضع فيها 2 كوب سمنة ونضربها حتي تلين ولونها يفتح شوية
- الخطوة التالية نقوم باضافة كوب من السكر البودر علي السمنة ونخلطهم كويس حتي نحصل علي قوام كريمي
- /الخطوة التالية نقوم باضافة الدقيق ونخلط كويس حتي تتجانس المكونات معا حتي نحصل علي عجينة طرية جدا وناعمة ممكن نحطها في الثلاجة شوية ونكورها ونشكلها زي ما انتي عايزه
- الخطوة الاخيرة نحضر صاجة او صنية ونبدا نرص فيها الغريبة ومش هاندهن الصنية او الصاجة حاجة خالص بعد كده هانسخن الفرن علي درجة حرارة 170 لمد 5 دقائق وبعد ما تنضج وتاخذ اللون الذهبي الجميل نخرجها و نزينها بالفول السوداني او المكسرات او البندق او اللوز زي نا تحبي وقدميها بالصحة والعافية
ملاحظات لنجاح الغريبة للشيف هالة فهمى
- قومي باستخدام نوع دقيق فاخر
- نخل السكر البودر جيد لابعاد اي اخطاء
- اغرزي المكسرات كويس على الوش حتي لا تخرج عند النفش البسيط للغريبة
- استخدمي نوع سمنة جيد لاعطاءك نتيجة جيدة .
- اذا اردتي اختبار الغريبة بعد تجهيز العجين شكلى اثنان وضعيهم فى الفرن وتذوقيهم وهذا اختبار لتعرفى إذا كانت مظبوطه أم محتاجه للمزيد من الدقيق
- لا تقومي باخراجها من الصنية الي بعد متبرد تماما حتي لا تتكسر .
- الفرن سخن قبل شغلك ب10دقائق والصواني تدخل علي الشبكة ومش شرط انك تدهني الصواني .
بصرحه الشيف هاله بحس انها اختي الكبيره وشكرن ليها وجزاها الله كل الخير
ردحذف