طريقة عمل البيكاتا بالفراخ الشيف علاء الشربينى

طريقة تحضير وعمل بيكاتا الفراخ

1. نحضر بولة ونضيف فيها شوية من الزعتر ونضيف كوب من ماء البصل ونضيف عليهم معلقتين كبار من المسطردة ورشة من الفلفل الاسود وعليهم شوية من عصير الليمون ورشة من الملح ونضيف اليهم شوية من البابريكا وبعد ذلك نخلطهم ونضيف اليهم بعد ذلك صدور الفراخ المقطعة شرائح ونخلطهم معا حتي تتشرب الفراخ الخلطة ونتركهم علي جنب
2. نحضر طبق ونضع فيه كوب من الدقيق وممكن نبهاره بهارات وممكن نضيف بصل بودر وثوم بودر او نتركه سادة زي ما تحبي
3. نحضر طاسة بها شوية من الزيت وممكن نضيف معلقة من الزبدة بتعطي تست كويس ونحضر الفراخ بعد ما اتبلت كويس ونضعها في الدقيق وفيدة الدقيق انها يعطي للفراخ طبقة كرسبي وبعد ان يسخن الزيت والزبدة نبدا باضافة الفراخ في الزيت حتي تاخذ اللون الذهبي الرائع من الجانبين كل ما نتركه في التتبيلة اكتر يبقا افضل
4. نحضر طبق فاضي ونخرج الفراخ من الطاسة ونضيف في الطاسة بعد ما خرجنا الفراخ بصلة مقطعة مكعبات وحبة من الكرفس ونضيف مكعب زبدة وشوية من الثوم المفروم ونقلبه معا حتي نحصل علي صوص رائع وحبة من المشروم ونقلب ونضيف فلفل اسود
5. بعد ذلك نحضر شوية من الدمجلاس في بولة ممكن تجبيه من عند العطار او من السوبر ماركت عبارة عن اكياس ونضيف اليه شوية من الماء ونقلبه جيدا وبعد ذلك نضيف علي المكونات الي في الطاسة حتي يربط وبعد ذلك نضيف الفراخ ونتركه حتي يربط
6. بعد ذلك نضيف الكريمة علي المكونات ونعطيها شوية من الريحان وحبة من الجبنة علي الوجه يعطيها تست رائع ودقائق ونزيلها من علي النار
7. بعد ذلك نحضر طبق التقديم ونضع فيها شوية من المكرونة الباستا المسلوقة ونضيف عليها الفراخ بالصوص الي عملناه وممكن نضيف علي الوجه جبنة مورتزيلا او جبنة شيدر وقدميه بالهنا والشفا