طريقة عمل كحك العيد الشيف حسن

المقادير ومكونات كحك العيد

• 2 كوب ونصف سمنه
• كيلو دقيق
• 3 معلقة كبيرة سمسم ني
• معلقة كبيرة بيكنج بودر
• فانيليا
• رشة ملح
• نصف معلقة صغيرة ريحة كحك
• كوب سكر بودر
• (خليط الخميرة )
• معلقة كبيرة خميرة
• معلقة كبيرة سكر
• كوب لبن دافئ

الخطوات وطريقة تحضير الكحك

1. ناخذ نصف كوب من السمنة ونتركها علي جمب ونضع عليها شوية من السكر ونخلطهم معا حتي نحصل علي قوام كريمي وطعم الزبدة
2. في طاسة علي النار نضع السمنة حتي تسيح ومش هانقدحها ونقوم بتدفئة اللبن ونضع فيها معلقة السكر ونذوبها وبعد ذلك نضيف معلقة كبيرة خميرة ونتركها علي جمب
3. ونحضر العجانة او اعجني باديكي زي ما تحبي في العجانة نضع الكيلو دقيق وبعد ذلك 3 معالق كبيرة سمسم ني ونضيف معلقة كبيرة من البيكنج بودر ونضيف الفانيليا ونصف معلقة صغيرة من ريحة الكحك وذرة ملح صغيرة جدا ونقوم بخلط تلك المكونات الجافة معا خلط ناعم اوي خفبف
4. نحضر نصف كوب السمنة وعليها كوب من السكر البودر ونضربهم بالمضرب الكهربي حتي نحصل علي القوام الكريمي او الزبدة وبعد ذلك نضيف عليها شوية من السمنة المسيحة حتي نحصل علي القوام المطلوب
5. وبعد ذلك نضيف باقي السمنة المتسيحة علي المكونات الجافة ونخلط علي الهادي خالص والكحك مش بيتعجن بيتبس بس عشان الدقيق مش يعمل عرق والكحك يطلع ناشف ولازم الدقيق ياخذ كل السمنة الي موجودة
6. بعد ذلك نضيف الخليط الكريمي الي هو عبارة السمنة والسكر وهايخلي الكحكة تاكليها من غير سكر لانة بيخلي طعامها حلو مسكرة
7. وبعد ذلك نضيف خليط الخميرة الي عملنها لو لقينا العجينة محتاجة سوائل نضيف شوية من اللبن حتي تصبح العجينة طرية معايا
8. بعد ذلك ناخذها معنا علي الرخامة ونلمها بادينا ونعرف منين انها نجحت معايا ناخذ حبة بين ادينا ونكورها ولو مش حصل تشققات كده العجينة نجحت ونبدا نشتغل فيها والصواني بتاعت الكحك مش بتحتاج تتدهن حاجة لان الكحك فيه سمنة كفاية
9. بعد ذلك نحضر مناقيش الكحك وقبل استخدامة نضعه في الدقيق وناخذ شوية بشوية ونكرها ونضغط عليها طغطه بسيطة بكفوف ايدي وبصوابع اديا اضغط عليها ونقوم بنقشها حتي ننهي الكمية ولابد من تغطية العجينة اثناء الاستخدام عشان العجينة مش تنشف
10. وبعد ذلك نرصه في الصنية وطبعا مش بنسيب العجينة تتخمر بنشتغل فيه علي طول
11. نشغل الفرن علي درجة حرارة 180 من فوق وتحت لو مش بيشتغلو سوا ونقوم بتشغليه من تحت اولا حتي تاخذ لون من تحت وبعد ذلك نشغل الشواية من فوق وتاخذ اللون من فوق ونتاكد من انها استوت ونخرجها ونتقدميها بالصحة والعافية