البرجر بالمنزل أحسن من الجاهز : شىء معروف أن البرجر حبيب الأطفال ومفيش أحسن من عمله بالمنزل طعم ونظافه ومضمون ان شاء الله وأحلى من الجاهز كمان بكتير نتمنى الوصفه تنال اعجابكم مقدمة من موقع وصفات للشيف سالي فؤاد .
المقادير لعمل البرجر
- نصف كيلو لحم بقرى مفروم
- كوب صويا هش (موجود عند العطار)
- بصله مبشوره
- بهارات برجر
- ملح وفلفل أسود
- رشة قرفه
- بيضه واحده
- وللتقديم
- عيش (فينو دوائر)
- شرائح بصل
- شرائح طماطم
- شرائح مابوتشى أو خس
- مايونيز وكاتشب (حسب الرغبه)
- أصابع بطاطس مقليه
طريقة التحضير خطوه بخطوه وبكل سهوله
- فى بولا ضعى اللحمه المفرومه وضيفى عليها البصله المبشوره والبيضه ورشة قرفه بسيطه
- ثم ضيفى الصويا والملح والفلفل وبهارات البرجر واعجنيهم كلهم مع بعض جيدا
- ثم شكلى على شكا دوائر ثم طبطبى عليها بيدك ليأخذ شكل البرجر
- أو أحضرى غطاء برطمان أو قطعة كيك واملايها باللحم ثم اقلبيها لتخرجى اللحم أيضا على شكل برجر
- ضعيه فى ىالجريل أو اقليه فى الزيت كما على نار هاديه تحبين
- ابدأى بتجهيز الساندوتش كما يلى
- أقسمى العيش إلى نصفين وضعى به قطعة برجر وفوقها مايونيز
- ثم ضعى شريحة طماطم وشريحة بصل وملعقه صغيره كاتشب ثم شريحتين كابوتشى أو خس
- قدميه مع أصابع البطاطس المقليه
- بالهنا
بعض النصائح لنجاح البرجر
- الصويا الهش بيمسك اللحم وممكن تستبدليه بملعقه كبيره ونصف دقيق الشوفان
- أو تطحنى شوفان وتستخدميه ودا يكون أفضل من الدقيق
- إذا كنتى هتسوى البرجر فى الجريل بلاش تقلبيه على الوجه الآخر إلا لما ياخد لون لكى لا يهرس
- اللحمه تكون دسمها وسط بلاش تكون عالية الدسم أو منخفضه
- ممكن تضيفى للساندوتش خيار مخلل وجبن وحبة البركه هيعطوا نكهه جميله للساندوتش مثل الجاهز
- ممكن تضعيه فى طبق في برجر وبين كل قطعة برجر والثانيه كيس بلاستيك وتحفظيه فى الفريزر وتطلعيه قبل التحضير بساعه
- كونى حريصه رشة القرفه تكون بسيطه جدا
تعليقات
إرسال تعليق