طريقة البسبوسة للشيف محمد حامد

إليكى المقادير لعمل البسبوسة

• نصف كيلو سميد بسبوسه ساده (3 أكواب)
• ربع ملعقه كبيره بيكنج باودر
• 150 جرام سمنه بلدى (تقريبا كوب إلا ربع)
• 2 ملعقه كبيره جوز هند ناعم
• 50 مللى شربات ثقيل بارد (2 ملعقه كبيره)
• 150 مللى لبن (كوب إلا ربع)
• 150 جرام سكر (كوب وربع)
• ..الشربات لسقى البسبوسه..
• نصف كيلو سكر
• نصف لتر ماء
• ملح ليمون

طريقة عمل البسبوسه كالمحترفين خطوه بخطوه

1. فى بولا كبيره ضعى السميد وضعى مع جوز الهند الناعم وربع ملعقه بيكنج باودر وقلبيهم جيدا
2. فى حله صغيره ضعى السمنه والحليب وتدفيهم بسيط على النار
3. ثم ضعيهم فى بولا كبيره وضيفى عليهم السكر وقلبى ثم ضيفى ملعقتين كبار شربات بارد وقلبى جيدا
4. ثم ضعى فوقهم السميد بجوز الهند والبيكنج باودر وقلبى بملعقه حتى التجانس 
5. ثم ضعى فى صينيه وطبطبى عليها بيدك حتى تفرد وتملأ الصينيه 
6. أدخليها الفرن على درجة حراره 190 لمدة ربع ساعه
7. إسقيها بالشربات وهى ساخنه 
8. بالهنا

بعض النصائح لنجاح الوصفه

1. سخنى الفرن قبل ما تجهزى البسبوسه
2. تأكدى بأن السميد ساده بدون اى إضافات 
3. معلقتين الشربات الثقيل اللى هتحطيهم فى الخلطه هيكونوا سبب فى أن البسبوسه تكون أطرى وهيفرقوا فى الطعم إوعى تنسيهم
4. السمنه تكون بلدى وتكون نوع نضيف عشان السمنه هى أهم حاجه فى البسبوسه
5. معيار السمنه هو نفس معيار اللبن
6. مينفعش تسخنى السمنه والحليب عشان مينشفوش البسبوسه ولكن تدفيهم فقط كونى حريصه وهما على النار
7. متقلبيش خلطة البسبوسه كتير قلبيها بملعقه حتى التجانس فقط واتركيها مرمله  
8. لما تحطيها فى الصينيه طبطبى عليها بإيدك واخبطى الصينيه فى الرخامه عشان تتساوى الخلطه فى الصينيه ومتنشفش من تحت
9. تسقيها بالشربات أول ما تخرج من الفرن وتملى الصينيه شربات واتركيها حتى تمتصه وتبرد ثم قطعيها 
10. عندما تخرج من الفرن وبعد أن تسقيها بالشربات ممكن تغرسى فيها لوز محمص أو أى نوع مكسرات نحبين